1- Mom on the Go Planner
سعرها ٣٥ دولار
أول اختيار وهيا أحسن اجندة لقيتها للآن. انا طلبتها بنفس الغلاف
الأسود وفي منها كم غلاف وفي نسخة مو للأم وفي نسخة مكتوب عليها مورمون موم خاصة بنوع من المسحيين
اخترتها لنفسي لإني لقيت فيها اشياء مو موجودة فأي اجندة اسبوعية غيرها و كمان لأنه الاسبوع فيها يبدأ من الأحد
اجندتي الي قبلها Erin Condren الأسبوع فيها يبدأ من الاتنين
قبل كل شهر في صفحة كيف أحسن علاقتي ربي و زوجي و أولادي و أقاربي و أصحابي
قبل كل شهر كمان في الشهر كامل في صفحتين
في صفحات كتير فالبداية
هذي الصفحتين خاصة بالآم احتياجاتها و رغباتها و استقرارها النفسي و كمان تخطيط عيد ميلادها
وجدول لتحديد مواعيد يخرجو الزوجين مع بعض
هذي الصفحتين خاصة بالأطفال احتياجاتهم و رغباتهم و استقرارهم النفسي و كمان تخطيط عيد ميلادهم
هذي الصفتين لمبادئ الأسرة و قواعدها و تخطيط كم شس يسووه مع بعض كأسرة
هادي الصفحة خاصة بتقسيم شغل البيت
هذي خاصة بالأمور المالية
هذي صفحة الطوارئ وايش لازم نخطط ليها (المطر مثلا لأهل جده) مو لازم نستخدما لو ما نحتاجها
برضو تقسيم الشغل فالبيت
تخطيط الإجازات
..... قبل كل شي حبيت الصفحة هذي عن أهداف الشهر و ميزانيته و اش حنقرا ومين حنتشري له هدية
تخطيط العيد
مساحة فاضية لأي ملاحظات
أهم شي وهيا الصفحة الأسبوعية
فيها الاسبوع يبدأ من الأحد
وفيها مساحة من فوق نكتب مقولات تحمس أو ملاحظات
في مساحة نكتب مهمات الاسبوع عاليسار
اليوم مقسم لثلاثة مربعات احنا نسميها زي ما نبغا
شغل، بيت، أصحاب
صباح، عصر، ليل،
أي شي يناسبنا
وفيها جدول صغير لو نبغا نذكر نفسنا بمواعيد أدوية أو فيتامينات أو الرياضة>
2- Do it all Mom Planner
سعرها ١٥ دولار
هذا بديل أصغر و أرخص من غير كل الصفحات الزيادة و مع ستيكرز
بس الأسبوع يبدأ من الاتنين
في نسخة للأم وفي نسخة عادية
هذي صفاحات الشهر كامل
هذي صفحات الأسبوع
جاية بالطال وعاجبني إنها مو مقسمة فنقسمها زي ما يناسبنا
هذي الستيكرز الي تجي معاها
3- The Day Designer Planner
سعرها حوالي ٥٠ دولار
هذي أجندة يومية أنا حطلب منها كمان
أحب أسيب الاسبوعية فالبيت ارتب من الويك اند اش عندي الاسبوع الجاي بشكل عام
والأجندة اليومية أحب اكتب فيها تفاصيل كل يوم
وهذي أحسب تقسيمات صفحة لقيتها
غلافها بسيط و عاجبني السلك الذهبي
فالبداية تكون مليانة صفحات عن أهداف السنة و مخططاتها و هوايتنا و طموحنا
بعدين كل يوم ليه صفحة ما عدا السبت والاحد نص صفحة مع بعض
كل صفحة فيها
أهداف اليوم الأساسية
الأكل، كم صرفنا، تذكير، واي مواعيد مهمة
بعدين فيها اليوم مقسم من الساعة ٥-٩
وجبنها قائمه مهام طويلة وهذا أحلى شي عندي
من تحت في مربع عن النت
وفيها مربع نكتب اش الي احنا ممتنين ليه فاليوم هذا
4- The Simplified Planner
هذي بديل مشابه مرة و نفس السعر تقريبا بس انا مرة افضل الي
قبلها عشن تقسيم الصفحات أحسن
سعرها ٥٨ دولار
ما احب انه اليوم فيها يخلص الساعة ٧
5- Erin Condren Life Planner
سعرها ٥٠ - ٧٥ دولار و كل ما تبغي تضيفي مزايا يزيد السعر
هذي هيا اجندي حق ٢٠١٤ وهيا من أشهر الأجندات
ميزتها انه تقدري تصممي الغلاف باسمك و صور من عندك
و فيها ستيكرز و ملونة وسار يتغيير الغلاف
وكمان في لها اكسسوارات كتير
وأحسن شي فيها أنه سلكها مررررررررة قوي و متماسك
عيبها انه الاسبوع يبدأ من الاتنين و مساحة الكتابة صغيرة
6- Lily Pulitzer Planner
أجندة أسبوعية جاية بالعرض مو بالطول
ملونة مرة و أسعارها معقولة
7- Kate Spade Planner
نفس الي قبلها بس تصاميمها كلا سيكية و ألوانها أهدا
8- Filofax Planner
للي يحب الأجندة التقليدية الي تجي فملف و تتعبا ورق
عندهم اختيارات كثير للورق الي داخلها
9- At a Glance Planner
للي ما يهمه الشكل و يبغا شي عملي وبسيط
عندكم أشكال و أحجام و تقسيمات مرة كتير
